Bisaat e Mutawaffi by Abdul Ahad

عرصہ ہوا ہم سب نے بساطِ متوفی کے بارے میں سنتے سنتے اس سے بہت سی توقعات وابستہ کر لیں۔ مجھے جہاں تک یاد پڑتا ہے میرے فالو کرنے سے پہلے ہی اس کا نام یونرا سب کچھ منظر عام پر آچکا تھا۔
اس بات کو مد نظر رکھتے ہوئے یہ اندازہ تو لگایا جاسکتا ہے کہ سب کو بساطِ متوفی کا کس قدر انتظار تھا، اب سوال یہ ہے کہ کیا بساطِ متوفی ان توقعات پر پورا اترتا نظر آتا ہے جو اس سے لگائی گئیں یا نہیں؟
میرے لیے اس سوال کا جواب مثبت ہے، کیوں؟
آئیے جانتے ہیں۔

مانسہرہ شہر میں شروع ہونے والی یہ کہانی پہلی قسط میں چار کرداروں کو دکھاتی ہے، جس میں حرا بنت سارنگ کا نام سب سے پہلے لیا جائے گا۔ ایک ایسا کردار جس سے میں، آپ بلکہ ہم سب کسی نہ کسی حد تک ریلیٹ کر سکتے ہیں۔ ایسا کیا ہے حرا میں؟
یہ آپ کو پڑھنے پر پتہ چلے گا۔
اس کے بعد بات حبر کی کروں گی۔ اور پہلی قسط میں دو ہی سین پڑھنے کے بعد میں کہہ سکتی ہوں کہ میں حبر سے بہت کچھ سیکھنے والی ہوں۔ حبر ایک ایسا لڑکا جو دوسروں کے سامنے اپنے تاثرات چھپانے میں ناکام ہے۔ کیا سکھائے گا ہمیں حبر کا کردار شاید خود سے لڑنا۔
الماس بنت سارنگ جس کا کردار سوچے گئے کردار سے یکسر مختلف تھا۔ الماس کا کردار آپ کو حالات سے بگڑے انسان کی حالت دکھائے گا، کیسے انسان بدل جاتے ہیں حالات کی بنا پر، رویوں کی بنا پر، الماس کا سفر یقیناً بہت کچھ سکھانے والا ہے۔
عدیل ویسے تو قسط کہ آخر میں ہی آپ کو عدیل سے ہمدردی ہوگی مگر کیا تھا عدیل کا راز؟
ایک مزید ایسا کردار جو معاشرے کی اکثریت کی نشاندہی کرتا دکھے گا سارہ کون ہے سارہ اور کیا ہے اس کی کہانی، کیوں ہے وہ اتنی مجبور؟ کیا وہ کبھی اپنے حق کی خاطر آواز اٹھا پائے گی؟

بات کروں لکھنے کے انداز کی تو اس میں کافی بہتری دیکھی جا سکتی ہے، منظر نگاری سے لے کر کردار نگاری تک ہر چیز کو احسن انداز سے لکھا گیا۔ کہانی میں سسپنس کا عنصر واضح محسوس کیا جاسکتا ہے جی کیوں کہ یہ ایک کرائم تھرلر ہے۔
مگر میں یہ کہنا چاہوں گی کہ بساطِ متوفی کو آپ سب صرف ایک کرائم تھرلر سمجھ کر پڑھنے کے بجائے اس کے کرداروں پر غور کر کہ پڑھیں، مجھے یقین ہے آپ اس سے بہت کچھ سیکھیں گے۔

تو کیا ہے حرا، حبر، الماس کی کہانی، کیا ہے عدیل کا وہ راز جاننے کے لیے پڑھیں ”بساطِ متوفی “ صرف اور صرف ثبت پر۔

Welcome to Sebt, your premier online destination for Urdu literature enthusiasts! Immerse yourself in the rich tapestry of Urdu novels across diverse genres, ranging from timeless classics to heartwarming romance, spine-tingling thrillers, mind-bending mysteries, and thought-provoking fiction. What sets Sebt apart is our unwavering commitment to adding value to writers’ work. We aspire to be more than just a platform; we aim to be a nurturing ground for aspiring writers, assisting them in their journey to become “Sakhunwar” (masters of their craft). Sebt is dedicated to supporting and amplifying the voices of talented Urdu writers, providing a platform where their creations shine. Join us on this literary journey, explore the magic of Urdu literature, and experience the unique synergy between readers and writers, exclusively at Sebt.