Ab ki baar by Badar Ul Rija

یہ افسانہ بدر الرجاء کے قلم سے تحریر شدہ ہے۔ بدر الرجاء جو کہ اپنی پختہ لکھائی، تبصرہ نگاری اور حقیقی زندگی کے قریب تر کہانیوں کو قلم بند کرنے کی وجہ سے جانی جاتی ہیں۔ بدر جن موضوعات کو منتخب کرتی ہیں وہ حقیقی زندگی کے قریب تر ہوتے ہیں، اور ان کے کردار بھی کوئی رومانوی داستان کے ناپید شہزادے نہیں ہوتے، ہمارے ہی ارد گرد پائے جانے والے لوگوں کے مانند ہوتے ہیں۔

اب کی بار (افسانہ) بھی ایسا ہی ایک شاہ کار ہے۔ جس کی کہانی حقیقی ہے۔ کہانی کا پلاٹ بے حد دلچسپ ہے۔ کہانی کو حال سے شروع کرکے بدر ہمیں ماضی میں لے جاتی ہیں۔ اور کہانی کو بیان اتنی عمدگی سے کرتی ہیں کہ آپ ایک سینکڈ کے لئے بور نہیں ہوتے۔

یہ کہانی لکھی نہیں گئی تھی گویا اس کہانی کا مرکزی کردار، جو کہ ایک ہی تھا، ہم سے باتیں کر رہا تھا۔ اپنے احساسات اور واقعات زندگی بیان کرتے ایسا محسوس ہی نہیں ہوتا تھا کہ برد ہمیں کہانی سنا رہی ہیں بلکہ یہ لگتا تھا کہ ہم بلا واسطہ آریز حیدر سے بات کر رہے ہیں۔ باقی بدرالرجاء کے لکھائی سے یہاں اکثر واقف ہیں، ان کے الفظ کی چناؤ اور جملہ کی بناوٹ اپنی مثال آپ ہے۔

کہانی کا مرکزی کرادر حقیقت کے ڈھانچے میں ڈھلا ہوا کردار تھا، جو کہ کبھی غصہ کرتا تھا، کبھی رعب بھی ڈالتا تھا اور بیک وقت وہ ملنسار بھی تھا، خیال رکھنے والا بھی۔ جوانی میں بے نیاز، پکی عمر میں وضع دار۔
اور سب سے اہم، یہ کردار ہمت نہ ہارنے والا تھا۔ اس پہ کئی بار نئی نئی آزمائشیں آئی لیکن اس نے ہار نہ مانی۔ ہمت نہ ہاری۔ اس کردار نے ہمیں خودداری سکھائی ہے۔

یہ کہانی آپ کو ہمت دلاتی ہے، جب آپ کو محسوس ہوتا ہے کہ سب کچھ ختم ہو گیا ہے، یہ کہانی تب آپ کو یاد دلاتی ہے کہ اندھیرے کی کوخ سے ہی روشنی کی کرن ابھرتی ہے۔ کسی بھی حال میں کوئی بھی کام ناممکن نہیں ہے۔ بس انسان حاصلہ نہ ہارے۔

اس کے علاوہ کہانی میں مختصراً کئی موضوعات پہ روشنی ڈالی گئی ہے، جیسا کہ والدین سے ملنے والی آسائش وقتی ہوتی ہے۔ اگر اس آسائش کو آپ وقت پہ کارآمد بنائیں تو مستقبل میں آپ کم پریشان ہوتے ہیں آمدنی کے حساب سے۔

آریز حیدر نے کس طرح ہمت کا دمن پکڑے رکھا؟ اور اس کی زندگی میں کیا کیا چیلینجز آئے؟ یہ جاننے کے لئے پڑھیں اب کی بارصرف اور صرف ثبت پر۔

اللہ تعالیٰ سے دعا ہے لکھاری کے قلم میں اور بھی برکت ڈالے، تاکہ میں وہ امید کھوئے ہوئے لوگوں کی امید بن سکے، اکتائے کوئے لوگوں کو تفریح کا سامان مہیا کرے، اور علم کے پیاسوں کے علم کی شمع تھمائے۔ آمین۔