Noor e Marjan by Rumaisa Shakil Ahmed

جی تو اس مختصر سی کہانی نور مرجان کا پلاٹ بہت شاندار ہے۔ یہ ہماری لکھاری رومیصہ شکیل کا شاہکار ہے۔

یہ ایک بہت خوبصورت لو اسٹوری تھی ۔ کہانی شروع ہوئی تو کچھ خونی سا افسانہ لگا مگر ایسا نہیں ہوا مزے کا تھا۔ آپ لکھتی بہت اچھا ہیں لیکن اگر آپ اپنا مطالعہ وسیع کریں اور اپنی املاء پر دھیان دیں تو آپ کی تحاریر کو چار چاند لگ سکتے ہیں۔

اس کہانی میں کردار ایوب عبرت کا نشان بنا ۔ میں کہتی ہوں واقعی انسان انتقام کی آگ میں کسی حد تک جاسکتا ہے۔ انسان کو اپنے نفس پر قابو رکھنا چاہئے اور جو نہیں ملتا اس کو اللہ کی طرف سے مصلحت جاننا چاہیئے۔

اس تحریر میں دوسری چیز عورت کی عزت بیان ہوئی ہے۔ مرد کو اللہ نے عورت کا محافظ ، مضبوط بنایا ہے اور عورت کو صنف نازک۔اگر وہ عورت کو عزت دیں گے تو عورت دل و جان سے ان کی قدر کرے گی اور بدلے میں بھی بہت عزت دے گی۔ ایک بات بتاؤں۔ جو مرد عورت کی عزت نہیں کرنا جانتا یا اس پر بری نظر رکھتا ہے ۔ اس پر اللہ کی لعنت ہوتی ہے۔مگر ادھر ایک فرض عورت کا بھی ہے کہ کسی مرد کو ایسا کرنے کا موقع فراہم نہیں کریں اگر وہ موقع فراہم کریں گی تو ان پر ستر لعنتیں ہو نگی۔۔ سوچیے مرد پر ایک مگر عورت پر ستر لعنتیں ۔۔ اس متعلق بھی قرآن میں ارشاد ہے سورۃالاحزاب میں

“کسی غیر محرم مرد سے نرم لہجے میں بات نہیں کرو جو اس کے دل میں مرض پیدا کرے۔ سنجیدگی سے عین دستور کے مطابق بات کرو۔”

یہ تفصیل کچھ اصلاح کے لیے لکھی ہے۔المختصر عورت فقط عزت چاہتی ہے۔

اس مختصر سی تحریر کو ضرور پڑھیں۔ بہت لطف اندوز ہونگے۔ہیپی اینڈنگ ہے ۔

اللہ ہم سب کا حامی و ناصر ہو۔