Beetey Lamhey by Gul Aatikah

بیتے لمحے۔ یہ ایک بیتے لمحوں میں جینے والی، ان سے سبق لینے والی، ان سے ہانٹ ہونے والی، ایک بہادر لڑکی کی کہانی ہے۔ اس کہانی میں ایک ہی کردار پر پوری محنت کی گئی، ”یشال“ کا کردار۔ اور اس چھوٹے سے افسانے میں ہی اس نے میرے دل پر راج کیا۔ ایک اس قدر چھوٹی تحریر میں، اس لیول کی کیرکٹرائیزیشن کرنا ایک مشکل کام ہے۔ یشال جو تھی، اسے اس کے ماضی نے بنایا۔ اس کے ماضی کی ان یادوں نے اسے مظبوط کیا۔ افف، اگر اس ریویو میں میں آپ کو بے ربط ہوتی ہوئی دکھوں تو یقین جانیں کہ مصنفہ نے اس موضوع کو اس قدر حساس انداز میں لکھا ہے کہ یہ آپ کو رلا دے گا۔ وہ لوگ جو ہجرت کر کے ہندوستان سے پاکستان آئے تھے۔ ان پر کیا گزری تھی یہ ہم اکثر ہی سنتے رہتے ہیں۔ انہیں میں سے ایک خاندان کی یہ کہانی ہے۔ اس حساس انداز میں یہ تحریر لکھی گئی ہے، اور منظر نگاری بھی آن پوائنٹ بالکل کہ میں یہاں مصنفہ کو داد دینا ضروری سمجھوں گی۔ چھوٹی تحریروں کو لکھنا اور سنبھالنا آسان نہیں ہوتا اور رائیٹر نے یہ مشکل کام بہت اچھے سے کیا ہے۔