Eid gaah by Munshi Prem Chand

عید گاہ افسانہ نگاری کا ذکر ہو اور منشی پریم چند کا نام نہ لیا جائے یہ بات تقریباً نا ممکن ہے۔ ایسا کیوں ہے وہ ان کے افسانے ”عید گاہ“ کو پڑھ لینے سے بھی آپ جان سکتے ہیں۔ عید گاہ نام سے واضح ہے کہ یہ افسانہ عہد کے موضوع پر لکھا گیا ہے مگر سچ کہوں تو اس کا اصل مقصد قاریئین میں وہ احساس ابھارنا تھا جو آج کل کے زمانے میں شاذو نادر ہی ہمیں دیکھنے کو ملتا ہے۔ کہتے ہیں کہ بچے حساس ہوتے ہیں اور ایک بالغ انسان کے مقابلے میں اپنے نفس کو قابو کرنا ان کے لیے اور بھی مشکل ہوتا ہے لیکن اس افسانے میں ”منشی پریم چند “ نے یہ بتانے کی کوشش کی ہے کہ ایسا نہیں ہے احساس ایک ایسا لفظ ہے جو بچے کو بھی اپنے نفس کو پابند بنانے میں کامیابی دے دینا ہے۔ بات کروں اس افسانے میں استعمال ہوئے الفاظ کی تو وہ بہت بہترین تھے۔ عرصے بعد کچھ پڑھ کر مجھے واقعی اچھا محسوس ہوا۔ افسانے کا اچھوتا پن ہی اس کی سب سے بڑی خاصیت ہوتی ہے مگر اس افسانے میں وہ اچھوتا پن موجود نہ ہونے کے باوجود اسے پڑھتے ہوئے بوریت کا احساس نہیں ہوا۔ اس کی وجہ شاید وہ منظر کشی ہے جس نے مجھے بھی ایک لمحے کے لیے بچپن کی،ان عیدوں کو یاد کرنے پر مجبور کر دیا تھا جو آج کل کے معاشرے سے وفات پا چکی ہیں۔ اب نہ تو رشتوں میں وہ اخلاص باقی ہے اور نہ ہی سادگی بھری وہ خوشیاں جو حقیقت پر مبنی تھیں تصویروں پر نہیں۔ اپنے اصل کی کھڑکی میں جھانکنے کے لیے آپ بھی یہ افسانہ ضرور پڑھیں۔