Utaaq by Nida Hosayn

ندا کا لکھا یہ دوسرا افسانہ ہے جس کو پڑھنے کا شرف میں نے حاصل کیا۔ سچ کہوں؟

اس افسانے کی بنت، اس کے موضوع اور اس کے انداز میں مجھے پرانے افسانہ نگاروں کی جھلک دکھی جو حقیقتاً ایک بڑی بات ہے۔ آج کل لکھاری تو بے شمار ہیں بہت سے اچھا بھی لکھتے ہیں۔ مگر افسانہ نگاری کے وقت بہت کم ہی نام ایسے ہیں جو قاری کو چند لمحے سوچنے پر مجبور کر دیں۔ ندا حسین کا نام بہر حال ان ناموں میں سے ایک ہے۔

اب آتے ہیں اُتاق کے موضوع کی جانب اتاق ایک طرح سے پنچایت کو کہتے ہیں۔ اس افسانے میں ندا آفسران کی حاکمیت کے ان پہلوؤں کو زیر بحث لائی ہے۔ جس سے واقف ہم سب ہیں۔ مگر ان حقائق کو سب کے سامنے صرف وہی لا سکتے ہیں جن کے دل صاف ہوں۔ ضمیر کو زندہ بھی وہی رکھتے ہیں جن کے دل صاف ہوں۔

پاکستان کے نظام کی بنیاد بلکہ پاکستان کیوں برصغیر کہنا چاہیے۔ اس نظام کی بنیاد اس انداز میں رکھی گئی کہ انصاف نام سنائی تو سب کو دیتا رہا مگر اس کو محسوس کسی نے نہ کیا خاص طور پر غریب نے، یہاں طاقتور ہمیشہ مظلوم ہوتا ہے اور مظلوم ظالم یہ ہمارے معاشرے کا المیہ ہے۔ اور اس افسانے میں اسی المیے کو ایک ایسے افسر کی زبانی بیان کیا گیا ہے جو بزدل ہو کر بھی باہمت تھا۔ اور جو طاقتور ہو کر بھی صاف دل کا مالک تھا۔

اتنے کم الفاظ میں اس قدر نازک موضوع کو چھیڑنا قابلِ داد ہے۔

میری دعا ہے اللہ لکھاری کو یونہی لکھنے کی توفیق عطا فرمائے آمین۔