Eleanor by Ayesha Khalid

فیری ٹیلز اور فینٹسی میں رہنا میرے خیال میں ہر کسی کو پسند ہوگا۔ اگر آپ بھی کچھ ہلکا پھلکا مگر پر سوز پڑھنے کے متمنی ہیں تو ایلینور آپ کے لیے ہے۔ لکھاری نے منظر نگاری سے خوبصورت لفظوں کے ذریعے ایسا طلسم باندھا ہے کہ کچھ دیر کے لیے قاری اس کے سحر میں ہی جکڑا رہے۔ اور حقیقت یہ ہے کہ روانی میں پڑھنے کے بعد میں بھی کچھ دیر تک تو اس کے ٹرانس سے نکل ہی نہیں سکی۔ ایلینور ایک تاجر ولسن کی بیٹی ہے جو ہارمونک بجانے میں کمال مہارت رکھتی ہے۔ ولسن کا ایک پرانا دوست تاجر رائٹ ہے جو اپنے بیٹے ایڈم کو ولسن کی کوئی امانت لوٹانے اس کے گاؤں بھیجتا ہے۔ وہاں ایڈم اور ایلینور کی ملاقات اتفاقاً ہوتی ہے۔ مزید کہانی پڑھ کر جانیے۔ بلاشبہ لکھاری کی لفظی مہارت اور منظر نگاری کی استعداد قابلِ ستائش ہے۔ اللہ تعالیٰ ان کی تحریروں میں مزید نکھار لائیں اور یہ معاشرے کی اصلاح کا بھی باعث بنیں۔