Aik Cup Chai by Mehtab Zahoor

”بعض اوقات ہر بات منہ سے بول کر نہیں بتائی جاتی بلکہ کچھ باتیں رویوں سے جتائی جاتی ہیں اور جو باتیں رویوں سے جتائی جاتی ہیں وہ بول کر بتائی گئی باتوں سے زیادہ دکھ دیتی ہیں۔ لفظ اتنے تکلیف دہ نہیں ہوتے جتنے رویے اذیت ناک ہوتے ہیں۔“

ایک کپ چائے کا ہو اور کوئی سننے والا ہو۔ سن کر سمجھنے والا ہو۔ سمجھ کر ڈھارس بندھانے والا ہو۔ تو ایسے کتھارسس کے بعد دنیا دکھنے لگتی ہے۔
”ایک کپ چائے“ کچھ ایسی ہی تحریر ہے جس میں موجود الفاظ آپ کا دل موہ لیں۔ الفاظ کی بنت نہایت سادہ مگر انتہائی پر سوز۔ روانی ایسی کہ ہاتھوں سے مٹی پھسلنے کی مثال کو بدل دے۔ مختصر مگر پر اثر۔
گو کہ کہانی کا انداز بیانیہ ہے مگر ایک لمحے کو بھی انداز سے اکتاہٹ نہیں ہوتی۔ جیسا کہ اکثر بیانیہ کہانیوں میں عموماً دکھائی دیتا ہے۔
اس دنیا میں قاری کو ایک ایسا گھروندہ نظر آئے گا جہاں روایتی گھریلو زندگی قائم ہے۔ جہاں خواتین کی ذمہ داریاں بھی ہیں تو ان ذمہ داریوں کے باعث ہمدردی یا چپقلش بھی۔
تابندہ کا ایک تھپڑ صبیحہ کے رخسار پہ جو پڑا تو اس سے دلوں میں تو میل آگیا مگر وہ دھلا کیسے؟

”انسان کا سب سے بڑا المیہ یہی ہے کہ وہ کسی انسان کے سخت رویے کی وجہ سمجھنے کی کوشش ہی نہیں کرتا بس اس انسان پر اکھڑ اور بد مزاج ہونے کا ٹیگ لگا دیتا ہے کبھی یہ جاننے کی کوشش ہی نہیں کرتا کہ اس کے اکھڑ اور بد مزاج ہونے کے پیچھے وجہ کیا ہے۔“

ایسی کہانی کو بھلا کون قاری جانے دے گا جہاں آپ کو معاشرے کا کچھ عکس نئی جہت سے دکھائی دے؟

Welcome to Sebt, your premier online destination for Urdu literature enthusiasts! Immerse yourself in the rich tapestry of Urdu novels, Afsanah, and short stories across diverse genres. From timeless classics to heartwarming romance, spine-tingling thrillers, mind-bending mysteries, and thought-provoking fiction, our curated collection encompasses the beauty of Urdu storytelling. What sets Sebt apart is our dedication to adding value to writers’ work, aspiring to be a nurturing ground for writers aiming to become “Sakhunwar” (masters of their craft). As we extend our support to novelists, we also embrace the world of Afsanah and short stories, providing a platform for emerging voices to flourish. Join us on this literary journey, explore the magic of Urdu literature, and experience the unique synergy between readers and writers, exclusively at Sebt.