Ayinah by Khadija Noor-ul-Ain

پلاٹ کی بات کی جائے تو یہ بہت خوبصورت ناولٹ تھا۔ ماضی اور مستقبل کا امتزاج بھی بہت خوب اور پرتجسس تھا۔ کہانی کے ساتھ ساتھ لکھاری کا اپنے خیالات بیان کرنا کہانی سمجھنے میں بہت مدد دیتا تھا۔ بہت ہی کم کرداروں کے کرد گھومتی یہ کہانی پراثر ثابت ہوئی میرے لئے۔ سینز کی ترتیب بھی بہتر تھی۔ اختتام بھی مناسب تھا۔ جب میں نے پہلا سین پڑھا تومیرا تجسس بڑھ گیا۔ کیونکہ یہ انسان کے تیسرے رخ، جس کو وہ ہمیشہ چھپائے رکھتا ہے, کے متعلق تھا۔ یہ میرا پسندیدہ موضوع ہے، اس میں انسان وہ باتیں منظر عام پہ لا سکتا ہے جو ان کہی ہوتی ہیں۔ لیکن جیسے کہانی آگے بڑھی تو یہ تحریر معاشرے کی بہت ہی برے تخیل کو توڑنے والا موضوع ثابت ہوا۔ تخیل یہ کہ عورت ایک نیچ ذات ہے یا اس کی کوئی عزت نہیں۔ مصنفہ نے بہت کوشش کے ساتھ اس موضوع کے ہر پہلو پہ روشنی ڈالی ہے جو کہ قابل داد ہے۔ تحریر کی پختگی کی طرف توجہ دی جائے تو ماننا پڑے گا کہ یہ تحریر واقعی پختہ و عمدہ تھی۔ ہر مکالمے اور منظر نگاری کی تفصیل بھی مزیدار تھی۔ مکالمے میں بہتر تھے۔ محاوروں کا استعمال بہت کم تھا۔ البتہ تشبیہات کی کمی محسوس نہیں ہوئی۔ مجموعی طور پہ یہ ناولٹ پڑھے جانے کے قابل ہے۔ تو زاہرہ اور ریحان کی پرتجسس معمے کو سمجھنے کے لئے یہ ناولٹ ضرور پڑھیں۔ اللہ تعالیٰ مصنفہ کے قلم میں برکت ڈالیں آمین۔