Gardish e Ayaam by Syeda

کہانی ہے میری، کہانی ہے آپ کی، ہاں! کہانی ہے ہم سب کی۔۔ کیونکہ ہم سب کے خواب ہوتے ہیں ۔۔ سنہرے خواب۔ جنہیں ہر کوئی بُنتا ہے۔ مگر زمانے کے رویے ان خوابوں کو دھوئیں کی طرح اڑا دیتے ہیں۔ اس تحریر میں لکھاری نے بات کی ہے شادی کے بعد کی زندگی کی۔۔ ہاں ہر کوئی خواب بنتا ہے، مگر اس کے گھر کے مکیں سمجھتے ہیں کہ “لو جی۔۔ اب بہو رانی آ گئ ہے نا۔۔۔ کاموں کا کچھ بوجھ تو ہلکا ہوا” اور بیچاری بہو رانی سب خوابوں کو بھول بھال کر ساس، سسر اور نند کی خدمت میں مصروف ہو جاتی ہے۔ اور اسی مصروفیت میں وہ اولاد کی تربیت بھی نہیں کر پاتی۔ جبکہ شادی کا اصل مقصد ہی اولاد کی اسلام کے سنہری اصولوں کے عین مطابق تربیت کرنا ہوتا ہے جو وہ کر ہی نہیں پاتی اور جب ان سب جھمیلوں سے آزادی ملتی ہے تب تک اولاد کا سنہرا بچپن گزر چکا ہوتا ہے یا تو وہ خود تھک چکی ہوتی ہے اور اس کے اندر موجود وہ اڑتی ہوئی رنگ برنگی تتلی جس نے بچوں کو رنگ دینے ہوتے ہیں وہ مرجھا کر مر چکی ہوتی ہے۔ لکھاری کا انداز منفرد ہے اور کافی بہترین کوشش ہے۔ ایک چیز کی اصلاح کرنا چاہوں گی۔۔ کئ ایک جگہ پر ایک ہی بات بار بار لکھی گئی ہے۔۔ سینز کو بدل کر لکھا جائے تو قاری کا انٹرسٹ بڑھتا ہے۔ باقی بہت بہترین ہے۔ اللّٰہ تعالیٰ آپ کے قلم میں برکت ڈالے۔آمین۔