Hijabi by Bint e Asif

سلام علیکم ورحمۃ اللہ۔ آج میں بنت آصف کے قلم سے لکھے گئے حسین ناولٹ”حجابی”کے تبصرے کے ساتھ حاضر ہوں۔ مصنفہ نے ایک کردار کے گرد پلاٹ کو رکھا اور خوب رکھا، منظر نگاری احادیث اور قرآنی آیات کے حوالے دے کر خوب کہانی کی خوبصورتی کو دوبالا کر دیا۔ مصنفہ نے ایک روشن خیال خاندان کی لڑکی کی زندگی کو بیان کیاکہ کس طرح سے اس کا دل بدلا اور وہ سکون کی تلاش میں اللہ سے لو لگا بیٹھی تو سکون پایا۔ مصنفہ کا انداز بیان اور تحریر قابل تعریف ہے۔ اس کہانی میں کیا چیز زیر بحث تھی؟ پردہ۔۔قران میں اللہ نے عورت کو پردے کا حکم دیا ہے کہ جب وہ گھر سے نکلے تو خود کو ڈھانپ لے تو جو خواتین،جوان لڑکیاں بے پردہ ہوکر گھر سے نکلتی ہیں،اللہ اور اس کی تمام مخلوقات ک لعنت ہوتی ہے ان پر۔اور دل و چہرے سے نور اٹھا لیا جاتاہے۔اس کا دل سخت ہو جاتا ہے اوروہ بے حیائی کرتے ہوئے بھی جھجکتی نہیں ہے۔ حدیث پاک میں ہے۔جب تم حیا نہ کرو تو جو چاہے کرو۔ الغرض یہ ایک بہترین تحریر ہے،آج کل کی ہر نوجوان لڑکی اور عورت کو اس ک لازمی پڑھنا چاہئیے۔ اللہ مصنفہ کے قلم میں برکت عطا کرے۔ہم سب کو صراط المستقیم پر چلنے کی توفیق دے اور ہم سب کا حامی و ناصر ہو۔