Jannat ki Sayr by Ammar Ahmed

کہانی ہے کچھ نوجوانوں کی جو اپنا ایمان تازہ کرنے گھر سے نکلے ہیں- اپنا اللّٰہ سے تعلق ٹھیک کرنے نکلے ہیں- کردار سب ہی اچھے تھے کیونکہ سب نے اپنے اور اللہ کے تعلق کو ٹھیک کرنے کی کوشش کی- اللہ کے لئے وقت نکالا- سب سے اچھی بات کہ انہیں حقیقی رکھا گیا یعنی انہوں نے بھی شروع میں اس راستے پر نہ چلنے کے بہانے بناۓ جیسے عام زندگی میں لوگ کرتے ہیں- وہ بھی ہمیشہ سے ایسے نہیں تھے- کہانی کی تھیم تو اللہ سے تعلق کی ہے لیکن لکھاری نے اس کے ساتھ ساتھ کافی چیزوں پر بات کی ہے- دینی مسائل جن کو ہم نظر انداز کر دیتے ہیں ان کو بھی کافی بہتر طریقے سے واضح کیا ہے- لکھاری نے طریقے سے لکھا یعنی کہیں بھی غیر ضروری ڈائیلاگز یا غیر ضروری تفصیل نہیں تھی- منظرکشی بھی واضح طور پر کی گئی ہے- مساجد کا بھی پورا نقشہ واضح کیا گیا ہے- اس کہانی نے واقع مجھے جنت کی سیر کرائی ہے- لکھاری نے بڑی ہی مہارت سے چھوٹی سی کہانی میں بہت گہری باتیں قارئین تک پہنچا دیں- اللہ ان کے قلم میں مزید طاقت دے- آمین-