Ma Za Kasabat by Fatima Rasool

ماذا کسبت(میں نے کیا کمایا ؟) ایک لڑکے کی کہانی ہے جس کے اندر کی دنیا اس قدر ویران ہے کہ اسے اپنے ہر طرف اداسی ہی نظر آتی ہے اور لوگوں کو؟ لوگوں کو تو وہ نظر ہی نہیں آتا۔ ایک احساس محرومی ہے جو اس کے اندر سرائیت کر گئی ہے۔ اکیلا ہونے کا، اکیلا کر دیا جانے کا ایک احساس ہے جو اس کے دل کو ہمیشہ خالی کر دیتا ہے۔ ایک چبھن کا احساس جو ناجانے ہم میں سے کتنوں نے محسوس کیا ہو گا؟اس کے احساس محرومی کو مصنفہ نے بہت اچھے انداز میں بیان کیا ہے۔ منظر کشی بھی خوب کی گئی ہے۔ کیا چاہے جانے کی خواہش غلط ہے؟ لیکن کیا کریں جب دنیا ہی آپ کے وجود کو ماننے سے انکاری ہو جائے۔ کہیں نہ کہیں اس کہانی میں آپ کو اپنی عکاسی بھی ملے گی۔ اس لیے ایک بار اسے ضرور پڑھیے گا۔لکھنے کا انداز بہت اچھا تھا۔ اللّه پاک مصنفہ کے قلم میں مزید برکتیں ڈالے۔ امین ثم امین یا رب العالمین۔