Saaya e Aatifat by Gul Aatikah

گل عاتکہ کے قلم کی ایک خاص بات یہ ہے کہ الفاظ کا چناؤ اتنا شاندار اور فصاحت و بلاغت سے بھرپور ہوتا ہے کہ میں حیران رہ جاتی ہوں۔ اس افسانے میں سب سے اہم بات تھی جزبات نگاری اور جزبات نگاری اس وقت کامیاب ہو جاتی ہے جب قاری الفاظ و کردار کے ساتھ خود کو اس قدر وابستہ محسوس کرے کہ رو ہی پڑے۔ میرے ساتھ بھی اس افسانے میں یہی ہوا۔ افسانہ اس کہانی کو کہا جاتا ہے جو ایک ہی دفعہ میں پڑھ لیا جائے مگر مجھے اسے دو بار میں پڑھنا پڑا پہلا حصہ اس قدر غمگین کر دینے والا تھا کہ آگے پڑھنے کی ہمت ہی نہ ہوئی اچھا ہی تھا کہ باقی کا بعد میں پڑھا ورنہ ایک بار میں اتنا غم مجھ سے برداشت نہ ہوتا۔ چند الفاظ کی جگہ مجھے ادھر ادھر لگی، مگر حریم کے ساتھ ہوا ہر واقع اتنا سنگین تھا کہ جھرجھری سی آگئی۔ مگر حقیقت یہ ہے کہ یونہی بڑے غم انسان کے دل کو مار دیا کرتے ہیں وہ زندہ رہ کر بھی خود کو جیتا محسوس نہیں کر پاتا۔ اللہ گل کے قلم میں برکت عطا فرمائے آمین۔