Ek Aam Si Larki by Sarah Rajpoot

کہانی ایک عام سی لڑکی سارہ راجپوت کی تحریر ہے جس میں انہوں نے اللہ کے کے حکم کی تعمیل میں انسان کی جدوجہد خوبصورتی سے بیان کی ہے- ہم جس معاشرے میں رہتے ہیں وہاں معاشرے کو مذہب پر فوقیت دی جاتی ہے جس کی وجہ سے اکثر مسلمان اللہ کے حکم پر عمل نہیں کر پاتے- یہ کہانی بھی ایک ایسی عام سی لڑکی کے بارے میں ہے جسے دین میں دلچسپی نہیں تھی لیکن پھر اس کے دل میں دلچسپی پیدا ہوئی لیکن بات صرف یہاں تک نہیں تھی- اس کی زبان سے نکلے ایک جملے نے اسے اللہ کے حکم کی جانب پابند کردیا لیکن اس راہ میں اسے خاصی جدوجہد کرنی پڑی جو وہ سب بھی کررہی ہے- یہاں مرکزی کردار کی ایک بات مجھے پسند آئی کہ اس کی ساری شخصیت صرف ایک نقابی ہونے کے گرد نہیں گھومتی، اس کا زندگی میں کوئی مقصد تھا- لکھائی میں کہیں روانی تھی اور کہیں مزید بہتری لائی جاسکتی تھی- جہاں تک بات ہے منظر کشی کی تو کچھ اہم مناظر کو۔لکھاری نے تفصیل سے بیان کیا ہے- چونکہ کہانی ایک ہی کردار کے گرد گھوم رہی ہے تو اس کی ذات کے اتار چڑہاؤ پر فوکس کیا گیا ہے- کہانی کا مرکزی خیال کچھ اس طرح ہے کہ مسلمانوں کو اپنی نظروں کی حفاظت کرنی چاہیے اس سے بہت سے مصائب سے بچ سکتا ہے- یہ تحریر مجھے اچھی لگی آپ بھی ضرور پڑھیں- اللہ لکھاری کے قلم میں برکت عطا فرمائے- آمین!