Harb By Taj Mehmood

“اے دمشق کے باسیوں، اے محمد کے امتیوں، اے اسلام کے محافظوں، اپنے کان لپیٹ کے نہ بیٹھو”۔

آج کا ریویو اس کہانی کے نام جو میری اب تک کی پڑھی ہوئی کہانیوں میں سے ایک بہترین کہانی ہے۔ جی ہاں آج کا ریویو ہمارے نامی گرامی لکھاری تاج محمود کے ناولٹ “حرب” کے نام۔ جو لکھا گیا ہے لکڑی کے بھورے دروازوں کے پار واقع شہر بغداد پر۔

1) چند ایک سینزز (جس میں بلکل تھوڑا سا ٹارچر ہے) کے علاوہ کچھ بھی ٹرگنگ نہیں ہے۔

2) کہانی کا نام حرب ہے جس کے معنی جنگ کے ہیں اور کہانی کا نام اور پلاٹ کہیں بھی ایک دوسرے سے جدا ہوتے نظر نہیں آتے۔ جو موضوع لکھاری نے اس کہانی کے لیے منتخب کیا ہے وہ آج کل کے حساب سے انتہائی منفرد بھی ہے اور لوگوں کو اس موضوع کی حساسیت کے بارے میں سمجھنے کی ضرورت بھی ہے۔ جب ہمارے لیے جہاد ایک بہت ثانوی سی چیز رہ گئی ہے اور جب ہمیں یہ بھی لگنے لگا ہے کہ جہاد کا مطلب صرف قتل و غارتگری ہے تو اس وقت لکھاری کا اس کہانی کو لکھنا قابلِ داد کام ہے۔ حرب میں جس طرح سے جہاد کی اہمیت بیان کی گئی ہے الامان۔ مجھے یقین ہے کہ اس کہانی کو پڑھ کر آپ کو جہاد سے متعلق آپ کے بہت سے سوالوں کے جواب مل جائیں گے۔

3) کردار: کرداروں کی بات کروں تو میں بس اتنا ہی کہہ سکتی ہوں کہ ہر کردار ہی بہترین ہے۔ نام سے لے کے کام تک ہر کردار خود میں مکمل ہے۔۔۔ کہانی کا مرکزی کردار صرف ایک ہی ہے اور پوری کہانی اسی کے گرد گھومتی ہے۔ لیکن کیا ہے اس ایک کردار کی کہانی یہ جاننے کے لیے آپ کو پڑھنی ہوگی کہانی۔

4) کہانی میں وقت قدیم بغداد کا دکھایا گیا ہے اور کہانی کو پڑھتے ہوئے اپنا آپ بھی سنہرے بغداد کا ہی کوئی حصہ محسوس ہوتا ہے۔

5) ویسے تو پوری کہانی ہی قابلِ داد ہے لیکن مجھے لکھاری سے صرف ایک ہی شکوا ہے، کہ اگر ایسی کہانی لکھنی ہو تو زیادہ لکھا کریں۔ مجھے اپنا آپ ابھی تک قدیم بغداد کسی گلی میں محسوس ہورہا ہے۔

6) اگر آپ تاریخ پڑھنا چاہتے ہیں لیکن آپ کو تاریخ پڑھنا مشکل لگتا ہے تو میری ذاتی رائے ہے کہ آپ اپنے سفر کا آغاز حرب سے کرسکتے ہیں۔