October by Waqas Fayyaz

اکتوبر، اس تحریر میں موسم خزاں کے رنگوں کو بہت منفرد انداز میں دکھایا گیا ہے۔ مغربی تہذیب کی اچھی جھلک دیکھی گئی ہے اس میں۔ اول تو منظر نگاری خوب کی گئی تھی،جزیات نگاری بھی اچھی تھی۔ تحریر میں اتنی جان تھی کہ قاری کو نہ صرف جکڑے بلکہ ان کے جذبات کو بھی ابھار سکے۔ تشبیہ جیسے عنصر کے استعمال نے اس جاندار تحریر کو چار چاند لگا دیے تھے۔ یہ تحریر دو کرداروں کے گرد گھومتی ہے جن میں سے ایک کو اکتوبر کے اداس دنوں میں لڑتے جھگڑتے دوسرے سے محبت ہو جاتی ہے۔ یہ کہانی محبت کے گرد گھومتی ہے۔ اکتوبر جیسی اداس محبت۔ مگر کس نے کہا اکتوبر صرف اداسی لے کر آتا ہے؟ تحریر میں کچھ اور اغلاط تھیں، جیسے کہ تذکیر و تانیث کی ایک آدھ غلطی، مگر کہانی میں جان اتنی تھی کہ ان غلطیوں کو نظر انداز کرنے کو جی چاہتا ہے۔ تحریر کی خوبصورتی کی ایک جھوٹی سی جھلک آپ کو دکھاتے ہیں۔ ( اس نے ہاتھ سے اشارہ کیا۔ ایک اُداسی ان کے درمیان گھل گئی تھی۔ آسمان، ایک مدھم کینوس پر سرمئی اور چارکول کی لکیروں سے یوں لپٹا ہوا تھا، جیسے کسی مصور نے اپنے برش کو اداس رنگوں کی پلیٹ میں ڈبو دیا ہو۔ گویا قدرت خود اپنی سانسیں روکے آنے والی بارش کا انتظار کر رہی تھی۔ وہ اس کے قریب آ کر رک چکی تھی۔ آس پاس گویا ہر چیز ساکن ہو گئی تھی۔