Shifa by Sabeena Sheikh

یہ کہانی مصنفہ نے ایک ماں کی زبانی بیان کی ہے جو اپنے بچوں کو رات کے وقت ایک کہانی سنا رہی ہوتی ہے۔ کہانی ایک شہزادی ویلیریا کے بارے میں ہے جو اپنی سلطنت پر ناجائز قبضہ ہونے کے بعد اپنی جان کی حفاظت کے لیے بھاگ رہی ہے اور ساتھ ہی اپنی بہن کی تلاش میں بھی ہے۔ جنگل میں بھاگتے ہوئے اس کی ملاقات اپنی پرانی خیال رکھنے والی صالحہ آپا سے ہوتی ہے، جن سے متاثر ہو کر وہ بھی اسلام قبول کر چکی تھی۔ ایک دن شکار کرتے ہوئے اس کی ملاقات ابراہیم رائی نامی شخص سے ہوتی ہے جس سے ہمیں اندازہ ہو جاتا ہے کہ کہانی آگے کس سمت بڑھنے والی ہے۔

ویلیریا پر حملوں کی تعداد بڑھتی ہے تو وہ رائی کی مسلمان فوج کے ساتھ زینو کا مقابلہ کرنے کی تدبیر کرتی ہے، لیکن فتح یاب نہیں ہو پاتی کیونکہ ان کے درمیان ہی کوئی غدار موجود ہوتا ہے۔ آخر یہ غدار کون تھا؟ اس نے ویلیریا اور رائی کو دھوکا کیوں دیا؟ شہزادی ہیلینا کے ساتھ اس کا کیا تعلق تھا؟ اور زینو نے آخر پوری سلطنت پر قبضہ کیسے کیا؟ ان سب سوالوں کے جواب جاننے کے لیے کہانی ضرور پڑھیے گا۔ بقلم ڈاکٹر نمیرہ خان