Sai’e by Shiza Naeem

مختلف موضوعات کا احاطہ کیے ہوئے ہے۔ سب سے پہلا موضوع دورِ حاضر کی ایک اہم ضرورت کو سامنے لاتا ہے جہاں بچوں کو یہ شکوہ ہے کہ ان کے والدین انہیں نہیں سنتے، جبکہ والدین کا کہنا ہے کہ ان کی روک ٹوک صرف ان کی فکر کی وجہ سے ہے۔ اسی بحث کے بعد ایک بچہ گھر چھوڑنے پر آمادہ ہوتا ہے لیکن اپنے پڑوسی رحمان کے سمجھانے پر واپس گھر لوٹ جاتا ہے۔ رحمان کا کردار مجھے اس لیے اچھا لگا کہ وہ صرف بچے کو والدین کی اہمیت اور ان سے بات کرنے کا طریقہ نہیں سمجھاتا بلکہ اس کے والدین کو بھی یہ احساس دلاتا ہے کہ بچوں کو ہر بات پر روکنے ٹوکنے کے بجائے ان کی بات سننا بھی ضروری ہے۔ رحمان کی باتیں سنتے ہوئے ہمیں ماضی میں سرزد ہوئے کسی رنجش کا بھی خیال گزرتا ہے جس سے لگتا ہے کہ اس کردار کے پیچھے بھی شاید کوئی ایسی ہی کہانی موجود ہے۔

کہانی میں والدین اور اولاد کے رشتے کو مختلف خاندانوں کی کہانی کے ذریعے واضح کیا گیا ہے۔ کہیں زارا ابراہیم ہے جس کے والدین اتنے مصروف ہیں کہ اس کی بیماری تو کیا حتیٰ کہ اس کی کانووکیشن جیسے بڑے دن پر بھی اپنی مصروفیات کے باعث نہیں آ پاتے۔ دوسری طرف صالحہ ہے جس کے والدین اس پر توجہ دیتے ہیں اور اس کی خواہشات کا احترام کرتے ہیں، خصوصاً اس کے والد، جن کا اس کے ساتھ وقت گزارنا اور اسے کھانا بنانا سکھانا ان کے رشتے کی خوبصورتی کو واضح کرتا ہے۔ دونوں کرداروں کو ساتھ دیکھ کر یہ فرق واضح ہوتا ہے کہ والدین کی موجودگی صرف ان کے ساتھ ایک ہی گھر میں ہونے کا نام نہیں بلکہ ان کی بات سننا اور ان کی خواہشات کو اہمیت دینا بھی اسی کا حصہ ہے۔

دوسری طرف ایک لڑکا ہے جس کے والدین حادثے میں گزر چکے ہیں اور وہ اپنی دعاؤں کے رد کیے جانے کے غم میں برے کاموں میں ملوث ہو رہا ہے۔ بظاہر وہ خدا سے رخ موڑ چکا ہے لیکن کہیں نہ کہیں خوفِ خدا ابھی بھی زندہ ہے جس کا اندازہ اس بات سے ہوتا ہے کہ اذان کی آواز سنتے ہی وہ سگریٹ بجھا دیتا ہے۔ اس کردار نے مجھے خاص طور پر متوجہ کیا کیونکہ اس کے ذریعے یہ دکھایا گیا ہے کہ انسان بظاہر کتنا ہی دور کیوں نہ ہوجائے اس کے اندر کچھ چیزیں پھر بھی باقی رہ سکتی ہیں جنہیں وہ خود بھی دبانے کی کوشش کر رہا ہوتا ہے۔

کہانی کے آغاز ہی میں والدین اور اولاد کے رشتے کے اتنے مختلف پہلو سامنے آ گئے ہیں کہ آگے یہ دیکھنے میں دلچسپی ہے کہ ہر کردار کے اپنے والدین سے تعلق کے مطابق اس کے جذبات اور فیصلے کس طرح متاثر ہوتے ہیں۔
بقلم ڈاکٹر نمیرہ خان
Welcome to Sebt, your premier online destination for Urdu literature enthusiasts! Immerse yourself in the rich tapestry of Urdu novels across diverse genres, ranging from timeless classics to heartwarming romance, spine-tingling thrillers, mind-bending mysteries, and thought-provoking fiction. What sets Sebt apart is our unwavering commitment to adding value to writers’ work. We aspire to be more than just a platform; we aim to be a nurturing ground for aspiring writers, assisting them in their journey to become “Sakhunwar” (masters of their craft). Sebt is dedicated to supporting and amplifying the voices of talented Urdu writers, providing a platform where their creations shine. Join us on this literary journey, explore the magic of Urdu literature, and experience the unique synergy between readers and writers, exclusively at Sebt.