Zeest Aik Dastan by H.E Malik

یہ کہانی اپنے نام کے بالکل مطابق ثابت ہوئی ہے جس میں مختلف لوگوں کی زندگیاں کسی نہ کسی طرح ایک دوسرے سے جڑنے لگتی ہیں۔ یہ آلف کی کہانی ہے جو ماضی میں ہوئے کسی واقعے کی بنا پر اب تک لوگوں سے فاصلہ رکھے ہوئے ہے، یہ ماتیو اور ایلینا کے اس راز کی کہانی ہے جس کی وجہ سے وہ ایک خفیہ شناخت کے ساتھ زندگی گزارنے پر مجبور ہیں، یہ زیان کی کہانی ہے جو اپنا ماحول تبدیل کرنے کے لیے فلورنس آتا ہے اور آلف سے ملاقات کر بیٹھتا ہے اور یہ ڈاکٹر سام کی کہانی بھی ہے جس کی زندگی ایک مانوس نام کو قتل کے کیس میں دیکھنے کے بعد بدلنے والی ہے۔ سب سے بڑھ کر یہ فلورنس کی کہانی ہے جو ان سب کی زندگیوں کو بدلنے والا ہے۔

اب تک میرا پسندیدہ کردار ایمیلی رہی ہے۔ وہ اپنی دوست کے پاس پشت پناہ بن کر کھڑی رہتی ہے، لوگوں کے سامنے اس کا دفاع کرتی ہے لیکن ساتھ ہی اکیلے میں اسے اپنی کمزوریوں اور اِن سیکیورٹیز سے لڑنے کا حوصلہ بھی دیتی ہے۔ مجھے ان دونوں کی دوستی کا یہی پہلو پسند آیا کہ ایمیلی صرف آلف کا ساتھ دینے تک محدود نہیں رہتی بلکہ اسے اپنے لیے بولنے اور لوگوں سے مکمل طور پر دور نہ ہونے کی بھی ترغیب دیتی ہے۔

البتہ میرے لیے کہانی کی سب سے بڑی مشکل اس کی بہت زیادہ منظر نگاری رہی۔ بعض جگہوں پر ماحول، گھر اور اردگرد کی چیزوں کی تفصیل اتنی زیادہ تھی کہ اصل کہانی کی رفتار متاثر ہوتی محسوس ہوئی۔ اگر یہی تفصیلات کچھ کم ہوتیں اور زیادہ توجہ واقعات اور کرداروں کی کہانی پر رہتی تو میرے لیے پڑھنے کا تجربہ زیادہ بہتر ہوتا۔ اس کے باوجود اس قسط میں چھوڑے گئے سوالات نے کہانی کے آگے بڑھنے کا تجسس ضرور برقرار رکھا ہے۔
Welcome to Sebt, your premier online destination for Urdu literature enthusiasts! Immerse yourself in the rich tapestry of Urdu novels across diverse genres, ranging from timeless classics to heartwarming romance, spine-tingling thrillers, mind-bending mysteries, and thought-provoking fiction. What sets Sebt apart is our unwavering commitment to adding value to writers’ work. We aspire to be more than just a platform; we aim to be a nurturing ground for aspiring writers, assisting them in their journey to become “Sakhunwar” (masters of their craft). Sebt is dedicated to supporting and amplifying the voices of talented Urdu writers, providing a platform where their creations shine. Join us on this literary journey, explore the magic of Urdu literature, and experience the unique synergy between readers and writers, exclusively at Sebt.